كدا حلو يا باشا

موضوع: كدا حلو يا باشا السبت أكتوبر 31, 2009 8:51 pm

أ
مرة حسني مبارك حب يعرف رأي الشعب فيه فتنكر هو وحبيب العادلي ونزل الشارع وقفوا
تاكسي وركبوا معاه وسألوا السواق : أيه رأيك في حسني مبارك والعادلي ؟ فرد السائق
بتلقائية : الاثنين زفت . وبينما هو يتكلم رأي الرئيس يكشف وجهه وعرفه فأكمل بسرعة :
والثلاثاء زفت والأربع زفت والخميس زفت .
- واحد قبطي قابل الرئيس وسأله : هو المسيحي ينفع يبقى محافظ ؟ رد الريس : طبعا يابني
فعاد القبطي يسأله : وينفع المسيحي يبقى وزير ؟ قال له : طبعا يابني . فسأله القبطي :
وينفع المسيحي يبقى رئيس وزراء ؟ فرد الريس : طبعا يابني . فسأله القبطي : طيب ينفع المسيحي يبقى رئيس جمهورية؟؟ فرد الريس بسرعة : ولا المسلم ياروح أمك .
- استدعت القيادة الجزمجيه لصنع جزمه للريس . وبدأوا يتباهون بأمكانياتهم وهنا قال أحدهم
أنا أقدر أعمل جزمه للريس من غير ماآخد مقاس رجله . فتعجب الجميع وأمروه بصنع الجزمه
وللعجب جت على مقاسه بالضبط .. فتعجبوا وقالوا له : لن نتركك حتى تقول لنا كيف استطعت
صنع جزمه للريس من غير ماتاخد مقاس رجله !!! فقال : ازاي مانحفظش مقاس رجله وهى فوق رقبتنا من تمانيه وعشرين سنة .
- سأل مبارك نظيف : الشعب عامل أيه ياأحمد بعد ماغلينا الأسعار؟ فقال له : بياكل زفت ياريس
فرد الرئيس : خلاص غلوا الزفت ياأحمد ..
- سئل جمال مبارك : ماهو تعريفك للمساواة ؟ فقال : الموساواه هى كلمة من مقطعين
موس وهى أداة يقطع بها لسان كل مواطن بيلسن على الحكومة .. واواه وهى الكلمة التي
تصدر من المواطن لما ينقطع لسانه .
- مواطن لقى مصباح علاء الدين ففرك المصباح طلع له الجني طلب منه الراجل مليون جنيه
الجني جاب له نص مليون بس . الراجل قال له : أيه ده هانخنصر من أولها فين بقية الفلوس؟
فرد الجني : ده نصيبك أصل علاء باشا مشارك في المصباح فيفتي فيفتي .. (عنده حق هو
اللي نسي ان المصباح اسمه مصباح علاء )
- دكتور بيعمل عملية لواحد في المخ وشال المخ حطه جنبه .. جت قطه وأكلت المخ فملقاش
غير جزمته يحطها مكان المخ .. بعد كام سنة قابله واحد من الدكاتره أصحابه وسأله : صاحبك
اللي حطيت له جزمه مكان مخه مات ولاعايش ؟؟ فرد الدكتور : عقبال أملتك ده اترقى وبقى
وزير ..
- سئل وزير الداخلية عن نزاهة الانتخابات فقال بصراحة احنا مابنعملش انتخابات بس بنعمل حاجة
أحسن . فسألته مقدمه البرنامج : أيه هى ؟ فقال : احنا بنرمي الورقة في الهوا .. لو وقعت
على وشها أو ظهرها تبقى حزب وطني .. ولو وقعت على سن الورقة تبقى معارضة أو اخوان
- واحد لقى مصباح علاء الدين طلع له الجني قال له : نفسي في كوبري من الأسكندريه
لأسوان . فقال له الجني : أنت مجنون ؟؟ أطلب طلب تاني . فقال الرجل : نفسي الريس مبارك
يسيب الحكم .. فرد الجني بسرعة : هاه عاوز الكوبري رايح بس ولا رايح جاي ؟؟؟؟؟؟
- زار أحد الحكام العرب أحدي الدول الأوروبية فوجد رئيس الوزراء يسكن في قصر فخم فسأله
جبت القصر ده منين ؟ فدخل به البلكونه وقال له : شايف الكوبري اللي هناك ده ؟ قال له :
أيوه . قال رئيس الوزراء : أهو تكلف مائة مليون دولار وعلى الورق مائة وخمسين مليون دولار
ومرت الأيام وجاء رئيس الوزراء لبلد الحاكم العربي فوجده يسكن قصر أفخم من قصره الأوروبي
فسأله جبت منين القصر ده ؟ فقال له : شايف الكوبري اللي هناك ده ؟ فرد : لأ مفيش كباري.. فقال الحاكم العربي : أهو تكلف مائتين مليون دولار ..
تلك هى نكت الجزء الأول وهناك أكثر من مائة نكتة (بالضبط مائة وسبعة عشر) سنوافيكم بها
بعضها حار جدا سنحاول تجاهله ..
الجزء الثاني ان شاء الله لما أخرج من لاظوغلي بس ماتخافوش عليا متعودة على كده من أيام
الجامعة ...
السلام عليكم ورحمة الله وبركاته

هههههههههههههههههههههههههههههههههههههههههههههههههههههههه

المعتقل

ههههههههههههههههههههههههههههههههه
منور

ههههههههههههههههههههههههههههههههههه
محبوس محبوس ياولدي

هههههههههههههههههههههههههههههههههههه
طبعا يا تيتو

قمر مواضعها ف السجن

ههههههههههههههههههههههههههههههههههههههه

ههههههههههههههههههههههههههههههههههههههههههههههههههه